11 முட்டாள்களும்; 11,000 முட்டாள்களும்; இழப்பு யாருக்கு

கிரிக்கெட் ஓர் உலகப் புகழ் பெற்ற விளையாட்டு. இங்கிலாந்திலிருந்த பிரபுக்கள் பொழுது போக்கத் தொடங்கிய விளையாட்டு. இங்கிலாந்துப் பேரரசின்கீழ் அடிமைப்பட்டிருந்த நாடுகளில் புகுத்தப்பட்ட விளையாட்டு.

நாம் இங்கிலாந்திற்கு ஆட்பட்டிருந்த காலத்தில் ஆங்கிலத்தைப் போன்றே மிகுந்த ஈடுபாட்டோடு கிரிக்கெட்டையும் கற்றோம். அவர்கள் பாராட்டுகின்ற அளவிற்கு திறமையும் பெற்றோம்.

“இருபதுக்கு இருபது என்ற கிரிக்கெட் போட்டி மூலம் மக்களின், குறிப்பாக கிரிக்கெட் ரசிகர்களான வளமுடைய இளைஞர்களை நடுத்தர மக்களை வாடிக்கையாளர்களாக்கி வாணிபக் கொள்ளையிட திட்டமிட்டு செயல்பட்டு வருகின்றனர்.

சில ஆண்டுகளாகவே இந்திய கிரிக்கெட் வாரியம் முற்றுரிமை பெற்ற பெரிய பொது நிறுவனம் என்ற அடிப்படையில் வருவாய் நோக்கில் கிரிக்கெட் போட்டிகளை நடத்தி வருகின்றது.

இதற்கு ஒரு சோதனையாக இந்திய கிரிக்கெட் கேப்டன் கபில்தேவ் வேறு சில வளமும் புகழும் பெற்றவர்களோடு சேர்ந்து இந்தியன் கிரிக்கெட் லீக் என்ற அமைப்பினைத் தொடங்கி கிரிக்கெட் போட்டிகளை நடத்தினர்.

இந்திய கிரிக்கெட் வாரியம் நிலைதடுமாறிக் கொண்டிருந்தபோது கிரிக்கெட் இருபது இருபது என்ற உலகப் போட்டியை நடத்தினர். இந்திய அணி வெற்றி பெற்றது. உலகக் கிரிக்கெட் விளையாட்டுப் போட்டிகளில் மாற்றம் நிகழ்ந்தது.

முதலில் கிரிக்கெட் விளையாட்டுப்போட்டி என்றால் நாள்கணக்கில் நடைபெறும். ஓரணி அடுத்த அணிவீரர்கள் அனைவரையும் வீழ்த்த வேண்டும். ஆட்டம் சில வேளைகளில் நாட்கணக்கில் நடைபெறும்.

இதனை ஒருகூட்டம் கண்டுகளிக்கும். இந்த நிலையில்தான் பெர்னாட்ஷா இதனை சோம்பேறிகளின் ஆட்டமென்று கூறி 11 முட்டாள்கள் விளையாட 11,000 முட்டாள்கள் பார்க்கின்றனர் என்று கிண்டலடித்தார்.

எழுதியது ஜிம்ஷா எழுதிய நேரம் 12:54 PM